台中七期 預售屋 潛銷期談價

較早前好友係臉書上看見台中市七期的一個建案，正在潛銷。潛銷即是正式價錢未出，可先揀心水單位，落訂hold 住，等出咗價錢再簽約購買。一般來說，潛銷期下訂售價會是最優惠。

好友表示對建案有興趣，剛好我人在高雄，便上了台中了解一下。建案位置的確唔錯，位於七期南面，附近都係大單位豪宅，有公園，景觀又靚，近國小國中（明星學校），離即將通車既捷運又不遠。最緊要係附近比較少有細單位，而呢個盤正正係市場較少見既兩房細單位。

於是乎就落咗10萬新台幣卡位先，等有價錢出再議價簽約。同時我兩位好友亦都落訂卡位，打算黎個團購價。

兩星期後，收到通知可以去議價簽約。議價前，我地傾好咗如果超果幾多錢就唔買退訂。

去到議價當日，開價比我們預算高出許多，價格好硬，減極都同預算價差很多，可能第一期太好賣，聽聞三個月賣晒。又可能我地太狠，唔係超平唔買。建商初開價連車位約1300萬，議價後比到998萬左右。同類型單位係市場上約可租25000新台幣，計過數，回報不足3%，決定退訂取回訂金。