台灣 銀行開戶

香港人係台灣想在銀行開戶口，如果未有居留證，依家的確係難開好多。香港人要係台灣開戶，必須要有既係 -

（1）統一証號，呢樣野好易攪掂，只要入境台灣後，去就近既移民署，5分鐘左右就攞到。又或者可在入境台灣四小時後，在網上申請。

（2）護照。

（3）入台証，呢樣要留意，個別銀行只接受一年多次出入境證或以上，香港人最常用一次性嗰隻台證有部分銀行不接受。一年多次出入境證現可在網上申請，需時約五個工作天。

（4）台灣地址及聯絡電話。

大約一年前，我花了半日時間，先去移民署攞統一証號，再去中國信託銀行開咗儲蓄戶口。之後，因為需要匯款去台灣次數多咗，決定係台灣既匯豐銀行再咗個「卓越理財」戶口，點解要係匯豐銀行? 

如果你有香港卓越理財戶口，去到台灣既匯豐，可以照開「卓越理財」，並唔需要 「keep balance」。而匯豐最好用既係「環球轉賬服務」，係香港直接轉賬去台灣，唔駛手續費，網上同手機Apps 都做到，超方便。不過港元到台灣後，要兌換新台幣的話，如果未有居留證，就唔可以網上做兌換，要打電話去台灣匯豐銀行，透過職員進行兌換。可先致電香港匯豐銀行熱線，要求接駁去台灣便可。但要留意，每日兌換不能超過五十萬新台幣，如果有需要兌換多過五十萬，便要分開幾日兌換。

講返當時去高雄開匯豐卓越理財戶口，須然係慢，開個戶口要半日，但尚算順利，匯豐開戶係需要一年多以出入境證或以上。一年後，我兩位朋友，同一日去開戶口，一個去台中開戶，另一個去高雄開戶，兩位我之前都有同匯豐職員聯絡並約咗時間開戶。在台中開戶兩小時攪掂，而在高雄開戶，卻未能即日辦妥，銀行職員表示因政策改咗，香港人開戶要經上級審批，需要時間處理，而直至今日﹝已兩個工作天﹞，仍未有進一步消息。

朋友終於在第三個工作天收到銀行通知，申請被駁回，因原是朋友在香港匯豐的「卓越理財」戶口是銀行提供6個月試用的推廣，所以不合資格申請。朋友只好怪自已未能預先向香港匯豐表明會在台灣開戶，下次去台灣又要重新申請開戶！

朋友2019年8月成功開戶，可參考以下文章：
台灣 銀行開戶 ﹝滙豐銀行 2019年8月﹞
匯豐銀行開戶（台北 2020年2月）

補充資料：

台灣內政部移民署 :
https://www.immigration.gov.tw/ct.asp?xItem=1089521&ctNode=30066&mp=1

港澳居民申請赴臺多次入出境許可證 :
https://coa.immigration.gov.tw/coa-frontend/overseas-honk-macao