暑假結束

今日係暑假後的第一天上課，囝仔終於結束佢既悠長假期，回覆正常生活。

囝仔今年暑假係高雄個幾月，參加咗三個不同既夏令營，有足球訓練、英文同埋樂高及爆旋陀螺班。問佢好唔好玩? 上課慣唔慣? 佢既答覆話好想留底係台灣，好想下次再參加夏令營既課程，尤其足球訓練班。

諗返初初都怕佢唔慣，驚佢會唔會同學仔溝通唔到，又唔知午餐食啲咩，驚佢唔啱食。其實係諗多咗，夏令營導師知佢有食物敏感都會特別留意，午餐時亦會督促小朋友唔好浪費食物。不過囝仔最唔慣係飯後要午睡，話訓唔到 ( 老師都有投訴佢唔午睡 )。

Hea 咗個幾月，新學年開始了。希望囝仔快啲重拾心情，回覆正常上課狀態，迎接新一年既挑戰!