Rebtel 平價打返香港固網

移咗民，唔係香港，但係有需要致電返香港的固網或手機電話，大家會用咩方法？

有人都可能會諗到用skype，又或者打IDD長途電話就算。今日我就介紹一個叫 "Rebtel"的手機App，打國際長途電話返香收費便宜，只需2蚊美金一個月，就可以無限次打電話返香港。我個人認為用來打電話返去銀行的固網電話就最啱，因為等好耐先有人接聽，如果打長途就很貴。不過這個App的最大缺點是只限打出不能打入，算是Skype 以外，多一個選擇。詳情請參閱Rebtel 網頁。

我就係用Globalsim 保留香港手機號碼，再配合Rebtel 使用，既可收到SMS，又可接聽香港來電(不過通常我都唔聽)；打出香港電話就用Rebtel，咁唔駛就住就住用啦！

去App store 下載 Rebtel app

按 "Get started"

輸入電話號碼，之後會有SMS 會傳驗證碼作核實。

揀返香港

會出現兩個選擇，如只係打返香港多，㨂USD$2就可以了。之後輸入信用卡號碼便可，會有7日試用，完咗之後先會扣錢。

要留意，如果用英國手機號碼註冊，收費會有不同，打返香港會變成4英鎊一個月，所以都係用返香港或台灣手機號碼註冊啦。

我都用緊，打返香港算是便宜的一個好選擇。

YouBike公共自行車代步

大家好，我係7月尾抵達高雄，並開始定居。由於剛到埗不久，未能馬上買車或買機車代步，大家都知道高雄公共交通網絡並不像香港或台北一樣完善，在地人一般都會自己開車。 而我呢兩星期要外出的話，除咗搭乘捷運外，單車就成為我主要交通工具之一。

今次我要介紹的就是Ubike，台灣主要城市都有租借服務據點，而且相當密集，加上使用方便，費用亦非常便宜，頭30分鐘只需5元新台幣，一般作為日常短距離代步相當不錯。

使用方法：先在手機下載『YouBike2.0』App，註冊後加入『一卡通』或『悠遊卡』便可。使用時可使用Apps 掃 code 取車 ，款項會從信用卡或LINE Pay 扣除；又或者可以拍『一卡通』、『悠遊卡』取車，款項會直接卡內扣除。

請細可參閱YouBike官方網站：http://www.youbike.com.tw/

從手機App睇到，高雄租借服務據點都相當多。

租借服務據點及單車外觀

取車時，可選擇從手機App掃QR Code 或者拍『一卡通』或『悠遊卡』。

還車時，如果是掃QR Code 取車的話，會直接從信用卡或者LINE Pay 扣款；如果是拍卡取車，還車時，便需再次拍卡，扣除款項後，屏幕會顯示卡內餘額。

現在政府有補助，頭30分鐘只需5元，之後每30分鐘收費10元。

係高雄市騎Ubike 轉乘指定公共交通工具，如捷運、輕軌、公車等，可享頭30分免費。 

大家有看到嗎？有給單車專用的行車徑呀，通常係過馬路時會見到，所以騎的時候會比較安全。